बझाङ। बझाङमा जिप दुर्घटना भएको छ। जिल्लाको थलारा गाउँपालिका वडा नम्बर ९ कुलाकाट्ने स्थित कच्चि सडक खण्डमा आज बिहान सुदूरपश्चिम प्रदेश ०१००१ च ३९६५ नम्बरको जिप दुर्घटना भएको हो।
आज बिहान ६ः३० बजेको समयमा सुर्मा गाउँपालिका वडा नं २ का अन्दाजी २३ वर्षीया आवाज बोहराले चलाएको उक्त जिप ब्रेक फेल भएर सडकबाट अन्दाजी करिव १ सय मिटर तल खसेको बझाङ प्रहरीले जनाएको छ। कुलाकाट्नेबाट झनना तर्फ आउँदै गरेको जिप दुर्घटनामा जिप मालिक ३२ वर्षीया केशब थापा घाईते भएका छन्।
उनको कम्मर र हातमा चोट लाग्दा अवस्था मध्यम रहेकोले उपचारका लागि जिल्ला अस्पताल पठाइएको जिल्ला प्रहरी कार्यालय बझाङले जनाईएको छ। दुई जना सवार रहेका थिए। दुर्घटना भएपछि जिप चालकले दुर्घटनाबारे जानकारी गराउनका साथ ३ जनाको प्रहरी टोली खटेएको थियो। जिप चालकलाई नियन्त्रणमा लिएर थप अनुशन्धान भईरहेको प्रहरीले जनाएको छ ।
