बझाङ। बझाङमा जिप दुर्घटना भएको छ। जिल्लाको छविसपाथिभेरा गाउँपालिका–७ मा आइतबार सुदुरपश्चिम प्रदेश ०१००१ ज १२६६ नम्बरको जिप दुर्घटना हुँदा दुई जना घाइते भएका छन्।
भाडेबजारबाट नौरा तर्फ गइ रहेको उक्त जीप दुर्घटना हुँदा बझाङ छबिसपाथिभेरा गाउपालिका वडा नम्बर ७ का २५ बर्षिया जीप चालक झलक धामी र सोहि ठाउकि ३५ बर्षिया पुतली धामी घाइते भएका हुन्। आइतबार साँझ ५:३० बजे आफै अनियन्त्रित भई जीप सडकको बाँया पट्टी पल्टीएको थियो।
घाइते भएका दुबै जनाको हात र टाउकोमा चोट लागेकाले उपचारको लागी जिल्ला अस्पताल पठाइएको छ।जीपमा ५ जना सबार रहेको र अन्य ३ जना यात्रु सकुसल रहेको जिल्ला प्रहरी कार्यालय बझाङका सुचना अधिकारी दिपेश चौधरीले बताए। दुर्घटनाबारे थप अनुसन्धान भई रहेको प्रहरीले जनाएको छ।
