धनगढी। केपी वली टि-२० क्रिकेट खेलमा सुदूरपश्चिमका क्रिकेट खेलाडीलाई मायामेट्रो अस्पतालले जाकेट हस्तान्तरण गरेको छ।
पोखरामा जारी केपी वली टि-२० क्रिकेट कप प्रतियोगिता २०८० का लागि सहभागी हुन जान लागेको सुदूरपश्चिमका क्रिकेट खेलाडीलाई नेपाल क्रिकेट संघका केन्द्रीय सदस्य एव् माया मेट्रो अस्पतालका अध्यक्ष धिरेन्द्र साउदले जाकेट हस्तान्तरण गरेका हुन्।
यस्तै सुदुर पश्चिम प्रादेशिक क्रिकेट संघका अध्यक्ष बासुदेव जोशीको अध्यक्षतामा खेलाडीहरुलाई बिदाई कार्यक्रम गरिएको छ। विशिष्ट अतिथिमा परशुराम नगरपालिकाका मेयर भरत जोशीको उपस्थीति रहेको थियो। तेसै गरी प्रदेश क्रिकेट संघका उपाध्यक्ष रमेश बोहरा,प्रदेश सचिव लक्ष्मण भट्ट,प्रदेश सदस्य रमेश चन्द, डडेल्धुरा जिल्ला क्रिकेट संघका अध्यक्ष हरि उप्रेती लगायतद्वारा सुदुरपश्चिम् प्रादेशिक क्रिकेट संघको प्रदेश क्रिकेट टिमका खेलाडीहरुलाई टिका र खादा लगाई विदाई गरेका हुन्।
खेलाडीहरुलाई मायामेट्रो अस्पताल धनगढीले खेलाडीहरुको उच्च मनोबल होस भन्ने कामना गर्दै जाकेट प्रायोजन गरी सबै खेलाडीहरुलाई मायामेट्रो अस्पतालका संचालक र अध्यक्ष साउदले जाकेट हस्तान्तरण सहित प्रतियोगितामा उत्कृष्ठ खेल प्रदर्शन गरी जितको कामना समेत गरेका छन ।
