बझाङ। बझाङमा फेरि भूकम्पको धक्का महसुस भएको छ। भूकम्प मापन केन्द्र सुर्खेतका अनुसार सोमवार बिहान ११ः३७ मा जिल्लमा केन्द्र भएर ४.५ म्याग्निटियूडको भूकम्प आएको हो। भूकम्पको केन्द्र जिल्लाको धमेना क्षेत्रमा रहेको बताइएको छ।
भूकम्पको धक्का बझाङसहित बैतडी, बाजुरा लगायत सुदूरपश्चिम प्रदेशका अन्य पहाडी जिल्लामा पनि महसुस भएको छ। बझाङमा गत असोज महिनामा तलकोट र चैनपुर केन्द्र बिन्दु बनाएर भूकम्प आएको थियो। गत असोज १६ मा बझाङको तलकोट केन्द्रविन्दु भएर ५.३ म्याग्निच्युडको बझाङकै चैनपुर केन्द्रविन्दु भएर ६.३ म्याग्निच्युडको भूकम्प गएको थियो। उक्त भूकम्पबाट एकजनाको ज्यान गइको थियो भने करिब १५० घर भत्किएका थिए।
