बझाङ। बझाङमा अटो दुर्घटना हुँदा ४ जना घाईते भएका छन्।बझाङको जयपृथ्वी नगरपालिका वडा नम्बर ११ भोपुर स्थित पक्की सडक खण्डमा आज (आईतबार) बिहान ७ः १० बजेको समयमा अटो दुर्घटना हुदाँ ४ जना सामान्य घाईते भएका छन्।
भोपुरबाट चैनपुर आउदै गरेको चन्द्रजंग चौहानले चलाएको सुदूरपश्चिम प्रदेश ०१००१ ह ५२३१ नम्बरको अटो एक्कासी अनियन्त्रित भएर सडकको नालीमा गएको जिल्ला प्रहरी कार्यालय बझाङका सुचना अधिकारी तथा प्रहरी निरिक्षक दिपेश चौधरीले बताए। घाइते हुनेमा जयपृथ्बी नगरपालिका ११ का ४० वर्षिय कृतिकल्याण जोशी, उनका छोरी प्रेरणा जोशी,छोरा प्रशान्त जोशी सहित अटो चालक खप्तडछान्ना ७ गडाराय घर भएका चन्द्रजंग चौहान घाइते भएका हुन् । घाईतेहरुको जिल्ला अस्पतालमा प्राथमिक उपचारपछि घर फर्किसकेका छन्।
