बैतडी। बैतडीमा एक महिला विगत २० दिनदेखि बेपत्ता रहेकी छन् । जिल्लाको पाटन नगरपालिका–६ कर्णेलीकी २४ वर्षीया सुनिता विक २० दिनदेखि बेपत्ता भएकी हुन् ।
घरबाट माइत जान्छु भन्दै हिँडेकी सुनिता सोही दिनदेखि सम्पर्कविहिन रहेको उनका श्रीमान तारा विकले बताए । बेपत्ता भएकै दिनदेखि ती महिलाको खोजी कार्य गर्दा पनि नभेटिएकी उनले बताए । परिवारले बेपत्ता सुनिताको खोजी कार्यका लागि प्रहरीलाई समेत आग्रह गरेको छ।
बेपत्ता सुनिता विकका १० वर्षीय छोरा, ८ वर्षीया छोरी र ६ वर्षीय छोरा छन् । श्रीमान तारा विक भारतमा रोजगारी गर्दै आएका छन् । तारा केही दिन अघि मात्रै दशैँ तिहार मनाउन घर आएका थिए ।
