डोटी।डोटीमा जिप दुर्घटना हुँदा दुई जना घाइते भएका छन्। जिल्लाको बोगटान फुड्सिल गाउँपालिकाबाट दिपायल तर्फ आउँदै गरेको सु.प.प्र.०३००१ज ०००५ नम्बरको बोलेरो जिप आइतबार दिउँसो केआइसिंह गाउँपालिका-२ बुहार भन्ने स्थानमा दुर्घटनामा परेको डोटी प्रहरीले जनाएको छ।
जिल्ला प्रहरी कार्यालय डोटीका प्रहरी नायब उपरीक्षक निशान्त श्रीवास्तवले जिप दुर्घटना हुँदा दुई जना घाइते भएको बताए। उनका अनुसार दुर्घटनामा परी जिप चालक चालक के आई सिंह गाउँपालिका वडा नम्बर ६ भाटगाउँका ३० बर्षीय टेकबहादुर भाट र जिपमा सवार बोगटान फुड्सिल गाउँपालिका वडा नम्बर २ कानाचौरका १९ वर्षीय वीरेन्द्र बोहरा घाइते भएका छन्।
घाइते दुवैको राजपुरस्थित सुजङ अस्पतालमा उपचार भइरहेको र उनीहरुको अवस्था समान्य रहेको प्रहरीले जनाएको छ। जिपमा दुई जना मात्रै सवार रहेको बुझिएको छ । जिप सडक बाट ६० मिटर तल खसेको छ । जिपको ब्रेक फेल दुर्घटनामा परेको प्रहरीले जनाएको छ।
