बझाङ। बझाङका एक बालक भारतमा बेपत्ता भएका छन्। बझाङको थलारा गाउँपालिका वडा नम्बर ९ कुलाकाट्नेका लाल बहादुर थापाका १४ वर्षीय छोरा प्रकाश थापा तीन दिनदेखि बेपत्ता भएका हुन्।
भारत देहरादुनको स्थानीय श्री गुरुराम राइइन्टरकलेज नेहरुग्राममा कक्षा ६ मा अध्ययनरत थापा स्कुल भ्रमण कार्यक्रममा जान जिद्दी गरिरहेको उनका बुवाले बताए। स्कुलले आयोजना गरेको भ्रमणमा मैले नजानु भनेर आफु डियुटीमा गए तर डियुटीबाट फर्कंनासाथ कोठामा नभएको उनले बताए।
उनी स्कुलकै पोशाकमा आफ्ना अरु कपडा बोकेर घरबाट निस्किएका थिए। उनले भारतको प्रहरी थाना रायपुर देहरादुनमा छोरा बेपत्ता भएको जाहेरी समेत दिएको बताए। विद्यालयमा खबर गर्दा तिम्रा अभिभावकले कार्यक्रममा सहभागि नगर्नु भनेको छ भनेर घर पठाइ सकेको बताएको छ। स्थानीयको सहयोगमा प्रकाशको खोजी भइरहेको भए पनि हालसम्म फेला पार्न नसकिएको बालकका बुवा लालबहादुर थापालले जानकारी दिए।
