कैलाली। कैलालीको लम्कीचुहाबाट दुई जना बालक बेपत्ता भएका छन्। अछाम तुर्माखाद गाउँपालिका–६ तलौनी घरभई हाल कैलालीको लम्कीचुहा नगरपालिका-५ तिलकपुरमा बस्दै आएका १४ वर्षीय प्रकाश विक र १० वर्षीय लक्ष्मण विक बेपत्ता भएका हुन्।
प्रहरीका अनुसार बेपत्ता भएका बालक दाजुभाइ कार्तिक ८ गते देखि बेपत्ता भएका हुन्। दुबै जनाको खोजी कार्य भइरहेको प्रहरीले जनाएको छ। खोजीका लागि धेरै प्रयास गर्दा पनि फेला नपरे पछि प्रहरीमा निवेदन समेत दिएको बलबहादुर विकले बताए। दुबै जनालाई कसैले फेला पारेमा प्रहरी चौकीमा खबर गरिदिन अनुरोध गरिएको छ।
