धनगढी : प्रदेश प्रहरी कार्यालय धनगढी बाट खटिएको आर आइ टि र वर्डा प्रहरी कार्यालय धनगढीको टोलिले धनगढी बाट एक दर्जन जुवाडे समातेको छ । सुक्रबार राती करिब १२ बजेको समयमा धनगढी उपमहानगरपालिका १३ राजपुराबाट एक लाख एक हजार ३६५ रुपैयाँ सहित १२ जना जुवाडे पक्राउ परेका हुन् । उपमहानगरपालिका १३ राजपुर स्थित खाली टहरामा जुवातास खेलिरहेको भन्ने गोप्य सुचनाको अधारमा सयुक्त प्रहरी टोलिले सो रकम सहित जुवाडे समातेको हो ।
जुवा तास खेलिरहेको अवस्थामा पक्राउ पर्नेमा धनगढी उप-महानगरपालीका १३ बस्ने कमल बडायक, सोही ठाउका, सुवा राना, राधेश्याम राना, भरत राना, भरत राना, राम नन्द राना, रुपेन्द्र ओझा, शिब कुमार राना, सुरेश राना, को पिरागी राना, नबोध झा र योगेन्द्र महरा लाई प्रहरिले पक्राउ गरेको हो । बरामद रकम र जुवाडे हरुलाइ जिल्ला प्रहरी कार्यालयमा बुझाइएको छ । उनिहरु माथी थप अनुसन्धान भैरहेको प्रहरीले जनाएको छ ।
