डोटी। डोटीमा आगलागी हुँदा एक घर जलेर नष्ट भएको छ। डोटीको बोगटान फुड्सिल गाउँपालिका-५ धिर्कामाण्डौँ स्थित दुधपोखरीका प्रेमबहादुर रावलको घरमा बुधवार राति आगलागी भएको प्रहरीले जनाएको छ।
जिल्ला प्रहरी कार्यालय डोटीले दुई तले दुई कोठे खरले छाएको कच्ची घर जलेर पुर्णरुपमा नष्ट भएको जनाएको छ। आगलागीबाट घरभित्र रहेका सम्पुर्ण खाद्यसामाग्री, लुगाकपडा,एक सुनको तिलहरी,नगद ८ं० हजार गरेर दुई लाख बराबरको क्षति भएको बताए। जिल्ला प्रहरी कार्यालय डोटीका प्रहरी निरीक्षक सिताराम विष्टले आगलागीबाट मानवीय तथा चौपायाको क्षति भने केहि नभएको बताए।
