बैतडी। बैतडी पाटनमा जिपले मोटरसाइकललाई ठक्कर दिदाँ २ जना घाइते भएका छन्। सोमबार बैतडीको पाटन नगरपालिका-६ को हिरापुर नजिकै जिपले मोटरसाइकललाई ठक्कर दिदाँ २ जना घाइते भएका हुन्।
खोडपेबाट बैतडी सदरमुकाम गोठलापानीतर्फ गइरहेको बा २ ग २२६२ नम्बरको मोटरसाइकललाई विपरीत दिशाबाट आउदै गरेको म १ ज २२७ नम्बरको जिपले ठक्कर दिएको हो। ठक्कर दिएपछि मोटरसाइकल भिरमा खसेको हो। मोटरसाइकल चालक कृष्ण पाण्डेय र मोटरसाइकलमा सवार कञ्चनपुरको भीमदत्त नगरपालिका नरेन्द्रबहादुर चन्द घाइते भएका जिल्ला प्रहरी कार्यालय बैतडीका प्रहरी प्रवक्ता प्रहरी निरीक्षक योगेश खत्रीले बताए।
घाइते दुबैको पाटन प्राथमिक स्वास्थ्य केन्द्रमा उपचार भइरहेको छ। गम्भिर घाइते भएका चन्द रेफर गर्ने तयारी भइरहेको प्रहरीले जनाएको छ। मोटरसाइकल करिब ४० मिटर तल खसेको छ । ठक्कर दिने जिप र चालकलाई नियन्त्रणमा लिइएको छ।
