कैलाली। कैलालीको गोदावरी नगरपालिकाका प्रमुख प्रशासकीय अधिकृत (हाकिम) हरिदत्त भट्टको गाडी दुर्घटना भएको छ। गोदावरी नगरपालिकाका प्रमुख प्रशासकीय अधिकृत भट्टले चढ्ने बा १६ च ८७८८ नम्बरको गाडी बिहिवार राति दुर्घटना भएको हो।
उनले कैलालीको गोदावरी नगरपालिकास्थीत खमौरामा गाडी दुर्घटना भएको बताए। चालक विक्रम चौधरीले गाडी सडक किनारको घरमा ठक्कर दिएर दुर्घटना भएको हो। उनले सडकमा सामुदायिक पशु भएका कारण गाडी घरमा ठोक्किएको बताएका छन्। गाडीको अगाडीको भागमा क्षति पुगेको छ।
प्रमुख प्रशासकीय अधिकृत भट्टले गाडीमा आफु नभएको अवस्थामा बिहीबार राति दुर्घटना भएको बताए। सडकमा गाई भएकाले घरमा ठोक्किएको हो। घरको भित्ता समेत भत्कीएको छ। तर, स्थानीयले चालकले मादकपदार्थ सेवन गरेको बताएका छन् । उक्त निजि गाडी चालककी श्रीमती बिरामी भएकाले गाडी नगरपालिकाका चालकले बिहिवार चलाएका थिए।
चौधरीको घरसमेत खमौरा हो। उक्त निजि गाडीलाई नगरपालिकाले दैनिक तीन हजार भाडा दिने गरी प्रयोगमा ल्याउँदै आएको थियो। मासिक ९० हजार प्रमुख प्रशासकीय अधिकृत सवार गाडीमा नगरपालिकाको खर्च हुँदै आएको छ। एक वर्षमा १० लाख ८० हजार खर्च हुँदै आएको उक्त गाडी दुई वर्षदेखि नगरपालिकाले भाडामा लिएको जनाइएको छ।
