डोटी। डोटीमा जिपबाट खसेर गम्भीर घाइते भएकी एक महिलाको मृत्यु भएको छ। भदौ २० गते जिपबाट खसेर घाइते भएकी दिपायल सिलगढी नगरपालिका वडा नम्बर १ कि ३३ वर्षिया महेश्वरी साउदको बिहिवार मृत्यु भएको डोटी प्रहरीले जनाएको छ ।
जिल्ला प्रहरी कार्यालय डोटीको आदर्श गाउँपालिकाबाट दिपायल तर्फ आउँदै गरेको सु.प.प्र.०१-००१-३७८४ नम्बरको बोलेरो जिप पछाडि सवार साउँद एयरपोर्ट रोड स्थित खसेर गम्भीर घाइते भएकी थिइन् । घाइते साउँदलाई उपचारकालागि सेती प्रादेशिक अस्पताल धनगढी लगिएकोमा केही दिनको उपचारपछि संलग्न डाक्टरले थप उपचार सम्भव नरहेको बताएपछि बुधवार (हिजो) घर ल्याइएको थियो।
साउदको बिहिवार (आज) दिउँसो १२ बजे दिपायल सिलगढी नगरपालिकास्थित घरमै मृत्यु भएको बताइएको छ। शवको घटनास्थल जाँच प्रकृति मुचुल्काको कार्य गरी थप अनुसन्धान जारी रहेको जिल्ला प्रहरी कार्यालय डोटीले बताएको छ ।
