बैतडी। सर्पको टोकाइबाट बैतडीकी एक महिला घाइते भएकी छिन् । जिल्लाको सिगास गाउँपालिका २ की ३२ बर्षीया भागादेवी धामीलाई बुधबार साँझ ६ बजेतिर सर्पले टोकेको जिल्ला प्रहरी कार्यालय बैतडीका प्रवक्ता प्रहरी निरीक्षक योगेश खत्रीले बताए ।
घर नजिकैको बारीमा घाँस काटीरहेकी धामीलाई सर्पले टोकेको हो । उनको डडेल्धुरा अस्पतालमा उपचार भइरहेको छ । धामीको दाहिने खुट्टाको पैतालामा सर्पले टोकेको बताइएको छ । उनको स्वास्थ्य अवस्था खतरामुक्त रहेको प्रहरीले जनाएको छ ।
