बैतडी। बैतडीमा जिप र मोटरसाइकल एकआपसमा ठोक्किँदा मोटरसाइकल चालक घाइते भएका छन् । जयपृथ्वी राजमार्ग अन्तर्गत बैतडीको पाटन नगरपालिका ८ ज्यापु भन्ने स्थानमा जिप र मोटरसाइकल एकआपसमा ठोक्किएका हुन्।
बझाङबाट धनगढीका लागि छुटेको से १ ज ९७९ नम्बरको जिप र धनगढीबाट आइरहेको से ७ प ६२८५नम्बरको मोटरसाइकल एकआपसमा ठोक्किएका हुन् । सो दुर्घटनामा मोटरसाइकल चालक सुर्नया गाउँपालिका ५ का मदन बिष्ट घाइते भएका छन् ।
उनलाई उपचारका लागि डडेल्धुरा अस्पतालले धनगढी रेफर गरेको छ। बिष्टको बाँया खुट्टा र बाँया हातमा चोट लागेको छ। जिप चालक बझाङ्गको बुंगल नगरपालिका ८ का रमेश बोहरा र जिपलाई नियन्त्रणमा लिएको जिल्ला प्रहरी कार्यालयका प्रवक्ता प्रहरी निरीक्षक योगेश खत्रीले बताए। घटनाका बिषयमा अनुसन्धान भइरहेको प्रहरीले जनाएको छ।
