धनगढी। आज सोमबार कैलालीको धनगढीबाट लागुऔषधसहित एक जना पक्राउ परेका छन्।
कैलालीको धनगढी उपमहानगरपालिका–४ तारानगरबाट कञ्चनपुरको शुक्लाफाटा नगरपालिका–८ का ३० वर्षीय गौरब बमलाई लागुऔषधसहित कैलाली प्रहरीले पक्राउ गरेको हो।
उनलाई ४ ग्राम १३० मिलिग्राम लागुऔषधसहित पक्राउ गरेर जिल्ला प्रहरी कार्यालय कैलालीमा ल्याइएको छ । उनीमाथी थप अनुसन्धान अघि बढाइएको कैलाली प्रहरीले बताएको छ।
