बैतडी। बैतडीमा करेन्ट लागेर गम्भीर घाइते भएकी एक महिलाको हेलिकप्टरमार्फत उद्धार गरिएको छ । डिलाशैनी गाउँपालिका ६ की ४३ बर्षीया कलावती नाथको नेपाली सेनाको हेलिकप्टरमार्फत उद्धार गरिएको हो।
घाइते नाथलाई नेपाली सेनाको हेलिकप्टर मार्फत नेपालगञ्ज लगिएको जिल्ला प्रहरी कार्यालयका प्रवक्ता प्रहरी निरीक्षक खेमविक्रम केसीले बताए । सोमबार बिहान घाँस काटेर भारी उठाउने क्रममा विद्युतको हाइटेन्सनमा लाइनको पोलमा छोइएर नाथलाई करेन्ट लागेको थियो। उनी करेन्ट लागेर गम्भीर घाइते भएकी छन् ।
