बैतडी। बैतडीको दशरथचन्द नगरपालिकामा दुई जनाको मृत्यु भएको छ।
बैतडीको दशरथचन्द नगरपालिका–५ पल्लाचौंडालीका ४४ बर्षीय नवराज लेखक र सोही वडाको आइत बस्ने लक्ष्मण भनिने ४३ बर्षीय केशव लेखकको मृत्यु भएको प्रहरीले जनाएको छ। जिल्ला प्रहरी कार्यालय बैतडीका अनुसार आफ्नै घरको कोठामा विद्युतको तार जडान गर्ने क्रममा करेन्ट लागेका नवराजको उपचारका क्रममा जिल्ला अस्पतालमा मृत्यु भएको हो।
शनिबार साँझ करेन्ट लागेका नवराजको हिजो नै मृत्यु भएको हो। यस्तै आइत गाउँका केशव लेखक शनिबार गौराको चैतोल हेर्न गएकोमा आइतबार बिहान मृत फेला परेका हुन्। उनको लडेर मृत्यु भएको हो।दशरथचन्द नगरपालिका–५ कार्यालय तलतिर उनी मृत अवस्थामा फेला परेको प्रहरीले जनाएको छ। सो घटनाका सम्बन्धमा प्रहरीले थप अनुसन्धान गरिहेको जनाएको छ ।
