बाजुरा। बाजुरामा आज बुधबार दिउँसो खोलाले बगाउँदा एक जना बेपत्ता भएका छन्। बाजुराको बुढीनन्दा नगरपालिका–४ घोडाकोट ताडी खोलामा काठेपुल भत्किदा एक जना बेपत्ता भएका प्रहरीले जनाएको छ।
बेपत्ता हुनेमा सोही नगरपालिका-३ लौठारुखका लली लुहारका २६ वर्षीय छोरा गंग लुहार रहेका छन्। ताडीबाट घोडाकोट आउने क्रममा घोडाकोटताडी खोलामा रहेको काठेपुल भत्किएको हो। लुहारसँगै खोलामा बगेको भैँसीको भने सकुसल उद्धार गरिएको छ।
लुहार र भैँसीको पाडो भने अहिसम्म नभेटिएको बुढीनन्दा नगरपालिका-३ का वडाअध्यक्ष जंगवीर रोकायाले बताए। बेपत्ता भएका लुहारको इलाका प्रहरी कार्यालय कोल्टीको टोली र स्थानीयले खोजी गरिरहेका छन्।
