बाजुरा। बाजुरामा खोलाले बगाएर एक महिला बेपत्ता भएकी छन्। बाजुराको स्वामिकार्तिकखापर गाउँपालिका–१ मुक्तिकोटका प्रसाने बिककी ६५ वर्षीया श्रीमती गुवा बिक सोमबार दिउँसो बेपत्ता भएकी हुन्।
बाजुरा प्रहरीका अनुसार कोल्टीबाट घर फर्किने क्रममा मुक्तिकोट स्थीत रोडी खोला तर्ने क्रममा गुवालाई बगाएको हो। प्रहरी चौकी जुड्डी र अस्थायी प्रहरी पोष्ट मुक्तिकोटको संयुक्त टोलीले स्थानीयको सहयोगमा बेपत्ता महिलाको खोजी गरिरहेको बताएको छ।
