कैलाली। कैलालीमा अटो दुर्घटना हुँदा ५ जना घाईते भएका छन। कैलालीको गोदावरी नगरपालिका ६ लालपुरमा आइतवार दिउँसो सु.प.प्र.०२००१ ह १६५२ नम्बरको अटो दुर्घटना हूँदा ५ जना घाईते भएका हुन।
लालपुरको भित्रि सडक खण्डमा दक्षिणबाट उत्तरतर्फ आउदै गरेको अटो चालक गोबिन्द नेपालीले पैदल यात्री १२ वर्षीय बालक अभिसेक बिकलाई बचाउन खोज्दा अनियन्त्रीत भएर अटो दुर्घटना भएको प्रहरीले जनाएको छ। अटो पल्टिदा पैदल यात्री बालक सहित अटोमा सवार सोही वडाकी ईन्द्रा साउँद, उनका २ वर्षिय छोरा दिपक साउँद, सोही ठाउँकी अमृता भट्ट र डोटीको दिपायल सिलगढी नगरपालिका- ४ का साईले साउँद घाईते भएका प्रहरीले जनाएको छ।
प्रहरीका अनुसार दुर्घटनामा घाईते बालक अभिसेक वि।क बाहेक अन्य सबैको अवस्था सामान्य रहेकोछ। मध्यम अवस्था रहेका बालक अभिसेकलाई उपचारका लागि धनगढी स्थित माया मेट्रो अस्पतालमा रिफर गरिएको ईलाका प्रहरी कार्यालय मालाखेतीले जनाएको छ। प्रहरीले घटनाको अनुसन्धान जारी रहेको बताएको छ ।
