बाजुरा। बाजुरामा उर्लेर आएको खोलाले तीन पशुचौपाया बगाएको छ । बाजुराको पुर्वी उत्तरी भेगको हिमाली गाउँपालिका–३ युनामा रहेको युना खोलामा आएको बाढीले जस्मल रोकायाको ३ पशु चौपाया बगाएको प्रहरीले जनाएको छ।
जिल्ला प्रहरी कार्यालय बाजुराका प्रहरी नायव उपरिक्षक कविन्द्रसिंह बोहराले रोकायाको घर बाहिर बाँधेर राखेको अवस्थामा एक गाई,एक बाछो र एक गोरु बगाएर लगेको जानकारी दिए।
रोकायाको टिनले छाएको घर माथिबाट खेला बढेर आएपछि घरको आँगन बगाएको छ। आँगन कटान गरेर बगाएपछि रोकायाको घर जोखिममा रहेको प्रहरी नायव उपरिक्षक बोहराले बताए । खोलामा आएको बाढीले मानवीय क्षती नभएको प्रहरी नायव उपरिक्षक बोहराको भनाई रहेको छ।
