बाजुरा। बाजुरामा एक महिला नदिमा हाम फालेर बेपत्ता भएकी छिन्। बाजुराको हिमाली गाउँपालिका वडा नम्बर ६ धिम बस्ने महेश रावतकी श्रिमती अन्दाजी १८ बर्षीया रचना बुढथापा नदिमा हाम फालेर बेपत्ता भएकी हुन।
जिल्लाको पुर्वी उत्तरी भेगको हिमाली गाउँपालिका वडा नम्बर ५ स्थित कुवाडी नदिमा हाम फालेर बेपत्ता भएकी प्रहरीले जनाएको छ । उनी बाजुरा र हुम्ला जोडने कुवडी नदिको झुलङ्गे पुलबाट हाम फालेर बेपत्ता भएकी हुन। माइती घरमा बस्दै आएकी रचनालाई उनका श्रीमानले घर लैजाने कुरा गर्दा नमानेपछि एकाएक बाजुरा र हुम्ला जोड्ने कवाडीको खोलाको झोलुङ्गे पुलबाट हाम फालेर बेपत्ता भएको प्रहरी निरिक्षक कठायतले बताए ।
हाम फालेर बेपत्ता भएकी महिलाको कवाडी प्रहरी चौकीको प्रहरी टोलीले खोजी कार्य गरिरहेको प्रहरी निरिक्षक कठायतले बताए। अहिले नदिमा हाम फालेर बेपत्ता भएकी महिलाको खोजीकार्यका लागि नेपाली सेनाको टोली खटिएको छ । दुर्गाभन्जन गुल्म अन्तर्गत तिथिचौर पोष्टबाट जामदार भिम बानियाँको नेतृत्वमा सेनाको टोली घटना स्थलमा पुगेर खोजी गरिरहेको नेपाली सेनाका मेजर धमेन्द्र बहादुर सिंह वताएका छन् । बेपत्ता महिलाको खोजीकायका लागि किर्तिचौरबाट नेपाली सेनाको टोली हिमाली गाउँपालिका ५ स्थित कुवाडी नदिमा पुगेको हो।
