बाजुरा। बाजुरा सदरमुकाम मार्तडीको अनाई खोलाको बाढीले ट्याक्टरसहित बगाउँदा चालक बेपत्ता भएका छन् । से २ त ३२२५ नम्बरको ट्याक्टरका चालक कैलालीको जोशीपुर-६ का डुबनारायण चौधरी बेपत्ता भएका जिल्ला प्रहरी कार्यालय कैलालीले जनाएको छ।
उनको खोजीमा नेपाली सेना, नेपाल प्रहरी, सशस्त्र प्रहरीलगायत खटिएका छन्। दुर्गाभन्जन गुल्मका उप सेनानी नेहाल चन्दको नेतृत्वमा १५ जनाको टोली घटना स्थलमा पुगेर खोजी गरिरहेको नेपाली सेनाले जनाएको छ ।घटना गएराति ११ बजेतिरको हो। बाढी आएको खोला तर्ने क्रममा ट्याक्टर पल्टिएको थियो। आइतबार राती ११ बजे तिर कोल्टीबाट मार्तडी आउदै गरेको ट्याक्टर करिव २० मिटर तल ढुगांमा अड्कीएको अवस्थामा फेला परेको र चालक डुवनारायण चौधरी बेपत्ता भएको जनाएको छ।
