धनगढी। बैतडी दार्चुला एकता समाज गेटाको आयोजनामा सरसफाइ तथा बृक्षारोपणको कार्यक्रम गरिएको छ।
सुदुरपस्चिमेलीहरुको महान पर्व गौरा पर्वलाई लक्षित गरि बैतडी दार्चुला एकता समाज गेटाले सरस्वती स्कुल अगाडी रहेको मन्दिर र गोदावरी ५ वडा कार्यालय नजिकको ग्वासी समैजी मन्दिर वरिपरि शनिवार सरसफाइ तथा बृक्षारोपण कार्यक्रम गरेको हो।
कार्यक्रममा गेटा युवा कल्बका युवा तथा अन्य स्थानियको उपस्थिती रहेको थियो। बृक्षारोपणमा बिचुवा रेन्ज्पोस्ट कंचनपुरबाट र गोदावरी एग्रो एन्ड म्यानेजमेन्ट प्रालीका सञ्चालक किरण शाहले बिरुवा र फुलहरुउपलब्ध गराएका थिए ।दुबै मन्दिरमा गरेर १२० वटा बिरुवासहित फुल रोपिएका थिए।
