धनगढी। कैलालीमा यु-१६ च्याम्पियनसिप २०२३ फुटबल प्रतियोगिताका लागि खेलाडी छनोट सुरु भएको छ। भुटानमा हुने साफ यु-१६ च्याम्पियनसिप २०२३ फुटबल प्रतियोगिताका लागि जिल्ला फुटबल सङ्घ कैलालीको आयोजना, घोडाघोडी नगर फुटबल विकास समिति र घोडाघोडी क्लबको समन्वयमा जिल्लाको घोडाघोडी नगरपालिका १ सुख्खडको खेल मैदानमा खेलाडी छनोट खेल सुरु भएको हो ।
घोडाघोडी नगरपालिका नगरपालिका नगर प्रमुख खडक बहादुर रावतले एक कार्यक्रमका बिच छनौट खेलको उद्घाटन गरेका थिए । छनोट खेलमा जिल्ला भरीका यु-१६ मुनिका खेलाडीहरूको उपस्थिति रहेको छ। विभिन्न टिम विभाजन गरेर उत्कृष्ट खेल्ने खेलाडीलाई छनोट गरिने छ।
