सागरले आवाज दिएर सार्वजनिक भएको यो पहिलो गीतमा पछिल्लो समयकी चर्चित गायिका रचना रिमालले साथ दिएकी छन् । यस्तै, ए प्लस रेकर्डिङ स्टुडियोमा रेकर्ड गरिएको यो गीतमा लिरिक्स हिमान्सु रायमाझी, म्युजिक कृष्ण पाण्डे कृश, म्युजिक अरेन्ज रुबिन मगरको रहेको छ। भने, मिक्सीङ्ग नरेश बिबिसीले गरेका छन् ।
गीतको अडियो कर्णप्रिय छ। गायक सागरले गायन क्षेत्रमा संभावना देखाएका छन् । यो भिडियोमा मोडल समारिका ढकालसँग विकास सुवेदीले अभिनय गरेका छन् । विकासको यो डेब्यू भिडियो हो । भिडियोबाट विकासले मोडलिङको दुनियाँमा बलियो संभावना देखाएका छन् । उनले डेब्यू भिडियोमा नै गज्जबको नृत्य गरेका छन् । भिडियोमा उत्तम श्रेष्ठ शिशिरको निर्देशन छ । राहुल बराइलीको कोरियोग्राफी रहेको भिडियोमा मुकेश हुमागाँइको छायांकन, विनोद बामको सम्पादन छ।
को हुन सागर ?
सुदूरपश्चिम प्रदेशको पहाडी जिल्ला डडेल्धुरामा जन्मिएका सागर जोशी उच्च शिक्षा अध्ययनका लागी धनगढी आएका थिए । धनगढीमा बसाइँका क्रममा उनले अध्ययन सँगै मिडिया र सङ्गीत क्षेत्रमा क्रियाशील रहेका थिए । भने काठमाण्डौंमा डेन्टिष्ट क्षेत्रमा आफ्नै व्यवसाय सञ्चालन गरिरहेका जोशीले अहिले बाडुल्की गीत सार्वजनिक गरेका छन् ।
