बाजुरा। बाजुरामा एक युवती झुण्डीएको अवस्थामा मृत फेला परेकी छन् । मुत फेला परेकी युवती बडिमालिका नगरपालिका वडा न. ६ कोर्धकी २७ वर्षीया कमला बडुवाल रहेको जिल्ला प्रहर्री कार्यालय बाजुराले जनाएको छ।
बिहिवार बिहान उनी झुण्डीएको अवस्थामा फेला परेकी हुन् जिल्ला प्रहरी कार्यालय बाजुराका अनुसार बिहिवार बिहानै घरबाट घाँस काट्न जान्छु भनेर हिडेकी थिइन् । घाँस काट्न गएकी उनि लामो समय सम्म घर नफर्किएपछी आफन्तले खोजी तलासी गर्दा घरदेखि करिव १ किलोमिटर अगाडी बाबिया भन्ने ठाँउमा सल्लाको रुखमा झुण्डीएको अवस्थामा आफन्तले बिहान करिब ९ बजे मृत फेला परेको बताइएको छ।
मृतक बडुवाल आफुसंगै भएको आफ्नै चुन्ननीको पासो लगाएर झुण्डीको अवस्थामा स्थानियले फेला पारेको जिल्ला प्रहरी कार्यालय बाजुराका प्रहरी नायव निरिक्ष रामसिंह ठगुन्नाले जानकारी दिएका छन् । घटनास्थलतर्फ खटिएको प्रहरी टोलिको भनाईलाई उदृद गर्दै प्रहरी नायव निरिक्षक ठगुन्नाले मुतक बडुवालले आफैले पासो लगाएको बुझिएको बताएका छन्। घटना के कारणले घटेको हो भन्ने बिषयमा थप अनुसन्धान जारी रहेको प्रहरीको भनाई छ । मृतकको सव पोष्ट माटमका लागी जिल्ला अस्पताल बाजुरा ल्याइएको तर पोष्ट माटम हुन बाँकी रहेको उनले बताएका छन्।
