बझाङ। बझाङको सुर्मा गाउँपालिकाका एक वडाअध्यक्षको मृत्यु भएको छ। बझाङको सुर्मा गाउँपालिका वडा नम्बर–४ का वडाअध्यक्ष ३८ वर्षीय सर्जनबहादुर बोहराको गएराति मृत्यु भएको हो।मधुमेह र कलेजो सम्बन्धी समस्याबाट पीडित बोहरालाई उपचारका लागि नेपालगञ्ज लगिएको थियो।
चिकित्सककै सल्लाहमा घर फर्केको केही दिनमै बोहराको मृत्यु भएको पारिवारिक स्रोतले जनाएको छ। २०७९ को स्थानीय तहको निर्वाचनमा उनी एमालेबाट सुर्मा गाउँपालिका वडा नम्बर–४ को वडाअध्यक्षमा निर्वाचित भएका थिए। उनी सुर्मा गाउँपालिकामा एमालेबाट निर्वाचित हुने एक मात्र वडाध्यक्ष थिए ।
