डोटी। डोटीमा स्काइभेटर दुर्घटना भएको छ। बुधबार दिउँसो डोटीको सायल गाउँपालिका ३ स्थित झिग्राना बेटरा सडक निर्माण गरिरहेको बा ३ क ४०४५ नम्बरको एक्स्काभेटर दुर्घटना हुँदा चालक घाइते भएका छन् । दुर्घटनामा परि कैलालीको गौरीगङ्गा ५ का २४ वर्षीय विकास सिजापति घाइते भएका छन् ।
उनको जिल्ला अस्पताल डोटीमा उपचार भइरहेको र अवस्था सामान्य रहेको जिल्ला प्रहरी कार्यालय डोटीका सूचना अधिकारी प्रहरी नायव उपरीक्षक युवराज भण्डारीले बताए । सडक निर्माण गरिरहेको एक्स्काभेटर माथि ढुङ्गा खस्दा दुर्घटना भएको हो । एक्स्काभेटर सडकबाट अन्दाजी एक सय मिटर तल खसेको छ ।
