कैलाली। कैलालीको लम्कीमा खैरो हेरोईनसहित २ जना पक्राउ परेका छन। लागूऔषध खैरो हेरोईनसहित कैलालीको लम्कीचुहा नगरपालिका १० पिपरौवाबाट २४ वर्षीय सुवाश चौधरी र ३४ वर्षीय प्रकाश बडायक पक्राउ परेको ईलाका प्रहरी कार्यालय लम्कीले जनाएको छ।
प्रहरीले उनीहरुको साथबाट १ ग्राम खैरो हेरोईन फेला पारेको हो। विशेष सूचनाको आधारमा ईलाका प्रहरी कार्यालय लम्कीबाट खटिएको प्रहरीले उनीहरूलाई उक्त पदार्थसहित फेला पारी पक्राउ गरेको बताइएको छ। सो सम्बन्धमा भप अनुसन्धान भैरहेको प्रहरीले जनाएको छ ।
