धनगढी। कैलालीको अत्तरियास्थीत एक होटलमा बास बस्न आएका व्यक्ति मृत अवस्थामा फेला परेका छन्। कैलालीको गोदावरी नगरपालिका (अत्तरिया) पहाड रोड बसपार्कस्थीत न्यु सत्कार होटल एण्ड लजमा बास बस्न आएका एक जना मृत फेला परेका हुन्।
उक्त होटलमा यही बैशाख १० गते राति बास बस्न आएका करिब ४० वर्षीय मोहनसिंह डराल कोठाभित्रै मृत अवस्थामा फेला परेको प्रहरीले जनाएको छ । दार्चुलाको ब्यास गाउँपालिका–३ का डराल सो होटलमा १० गते राति बास बस्न आएका थिए।
उनी होटलकै कोठाभित्र १२ गते साँझ मृत अवस्थामा फेला परेको ईलाका प्रहरी कार्यालय मालाखेतीले जनाएको छ। उनका आफन्तलाई पहाडमा खबर गरेपछि आज मात्र आइपुगेकाले शवको पोष्टमार्टमका लागि सेती प्रादेशिक अस्पतालमा पु¥याइएको प्रहरीले जनाएको छ। प्रहरीले होटलमा मृत अवस्थामा फेला परेको घटनाको बारेमा अनुसन्धान भैरहेको जनाएको छ।
