बैतडी। बैतडीमा एक बालिका मृत अवस्थामा फेला परेकी छिन्। जिल्लाको पाटन नगरपालिका वडा नम्बर–४ पलेटाकी रमेश चन्दकी ७ वर्षीया छोरी ललिता चन्द मृत अवस्थामा फेला परेकी हुन्। सोमबार दिउँसो देखी सम्पर्क विहिन भएकी ललिता आज मंगलबार विहान वडाकै मङराउ खोलामा मृत अवस्थामा भेटिएकी हुन् ।
जिल्ला प्रहरी कार्यालय बैतडीका सूचना अधिकारी प्रहरी निरिक्षक योगेश खत्रीले ललिताको शव आज बिहान ७ः३५ बजे मङराउ खोलामा फेला परेको बताए । उनी सोमबार खेल्दाखेल्दै घरबाट हराएकी थिइन्। मृत्युको कारण खुलेको छैन्। घटनास्थल पुगेको प्रहरीको टोलीले घटनाबारे थप अनुसन्धान भैरहेको जिल्ला प्रहरी कार्यालय बैतडीले जनाएको छ ।
