बैतडी। बैतडीको पञ्चेश्वर गाउँपालिकाका उपाध्यक्षमाथि कुटपिट भएको छ । बैतडीको पञ्चेश्वर गाउँपालिकाकी उपाध्यक्ष विना भट्टमाथि कुटपिट भएको हो। उनले आफूमाथि वडा नम्बर ३ का दिपक बहादुर चन्दले कार्यकक्षमै आएर कुटपिट गरेको आरोप लगाएकी छन्।
उनले हिजो बिहीबार दिउँसो विधुत बिस्तारको भुक्तानीका विषयलाइ लिएर मादक पदार्थ सेवन गरि कुटपिट गरेको बताईन्। उनले भनिन्, ‘म कार्यकक्षमा थिए। विद्युतको ठेकेदार रहेछन्। पैसा नदिएको भन्दै कुर्सीमा बसेका बेला लछार पछार र गालिगलौच गरेको हो। त्यसपछि मैले मुद्दा हालेको छु’ भट्टले इलाका प्रहरी कार्यालय पाटनमा अभद्र व्यवहारमा मुद्दा दर्ता गरेकी हुन्।
यस्तै उनले ज्यान मार्ने धम्कीसमेत दिएको हुदाँ निजमाथि आवश्यक छानविन गरि गराई कारबाहीका लागि गाउँपालिका राष्ट्रिय महासंघ नेपाललाई निवेदन दिएकी छन।यसैबीच गाउँपालिका अध्यक्ष गोरखवहादुर चन्दले भने आफू घटनास्थलमा नभएको र आपसी विवाद भएको सुनेको बताए । उपाध्यक्षका पति र उक्त व्यक्तिबीच लेनदेनको विवादका कारण सो घटना भएको बताइएको छ । आपसी विवाद भएका कारण प्रहरी कारबाही नबढाएको चन्दले बताए ।
