धनगढी : धनगढीमा अलपत्र अवस्थामा भेटिएकी बालिकाका अबिभावक भेटिएका छन् । सोमबार दिउँसो धनगढी उप महानगरपालिका वडा नम्बर ६ बसन्तटोल स्थित रामजानकी मन्दिरमा अपलत्र अवस्थामा एक बालिका भेटिएकि थिइन् । अब्सरा, आसिका राना नाम बताउने ति बालिकालाई दिउँसो स्थानियले भेटेपछि वडा अध्यक्ष भागिराम चौधरीकहाँ पुगाएका थिए ।
वडा अध्यक्ष चौधरीले बालिकाका अबिभावक सम्पर्कमा आउन आग्रह गरेका थिए । सोमबार रातीनै बालिकाका अबिभावक सम्पर्कमा आएर आज बिहान घर लगेको वडा अध्यक्ष चौधरीले बताए । भारतमा घर भई आफन्तको घरमा आएकी बालिका बिद्यालयबाट अलपत्र परेको अबिभावकले बताएका छन् । वडा अध्यक्ष चौधरीले बालिकाका अबिभावक सम्पर्कमा ल्याउन पहल गरिदिएकोमा स्टेट सेभेन अनलाइनलाई धन्यबाद दिएका छन् ।
