कञ्चनपुर। कञ्चनपुरको बेदकोटमा लागुऔषधसहित एक जना पक्राउ परेका छन्। जिल्ला प्रहरी कार्यालय कञ्चनपुरबाट खटिएको प्रहरी टोलीले बिशेष सुराकीको आधारमा बेदकोट नगरपालिका–५ पोलखरीका ६५ वर्षीय दलबहादुर बोहरालाई लागुऔषधसहित पक्राउ गरेको हो।
सोहि स्थानमा बोहराले सञ्चालन गरेको किराना पसलमा शंका लागि चेकजाँज गर्दा तीन सय ९८ ग्राम लागूऔषध चरेश बरामद गरेको प्रहरीले जनाएको छ। बरामद गरिएको लागूऔषध चरेशसहित निजलाई नियन्त्रणमा लिई थप अनुसन्धान कार्य भईरहेको जिल्ला प्रहरी कार्यालय कञ्चनपुरले जनाएको छ ।
