धनगढी। कैलालीका चितुवाको छालासहित दुई जना पक्राउ परेका छन्।आज दिउँसो २:१५ बजेको समयमा कैलालीको लम्कीचुहा नगरपालिका ३ टुक्की बजारमा सुदूरपश्चिम प्रदेश प्रहरी कार्यालय धनगढी र ईलाका प्रहरी कार्यालय चिसापानीबाट खटिएको संयुक्त प्रहरी टोलीले छालासहित दुई जना पक्राउ गरेको हो।
कुईनेदेखि चिसापानीतर्फ आउँदै गरेको से.५प ८०३१ नं.को मोटरसाईकलमा सवार अछाम बिनायक नगरपालिका ६ तोलीका ३६बर्षिय तुल बहादुर बिक र पछाडी सवार जुम्ला तातोपानी गाउँपालीका ४ राउत वाडा का ५० बर्षिृय तुल बहादुर खत्रीलाई पक्राउ गरेको हो। खत्रीको साथमा रहेको रातो पहेलो रंगको झोला चेकजाँचका क्रममा लम्बाई ७ फिट १० ईन्च र चौडाई ४ फिट ७ ईन्च भएको चितुवाको छाला १ थान र २ किलो ९५० ग्राम बन्यजन्तुको हड्डी र २ थान मोबाईल बरामद गरीएको प्रहरीले जनाएको छ। बाधको छालासहित निज दुवै जना र मोटरसाईकल समेत पक्राउगरी जिल्ला प्रहरी कार्यालय कैलालीमा राखि थप अनुसन्धान कार्य भईरहेको प्रहरीले जनाएको छ।
