बैतडी। बैतडीमा भीरबाट लडेर महिलाको मृत्यु भएको छ। बैतडीको दशरथचन्द नगरपालिका ४ जर्गका ४३ बर्षीय धनी चन्दको भीरबाट लडेर मृत्यु भएको प्रहरीले जनाएको छ ।जिल्ला प्रहरी कार्यालयका प्रवक्ता प्रहरी निरीक्षक लोकराज जोशीका अनुसार शुक्रबार घरबाट देहीमाण्डौं आएकीचन्द साँझ घर नफर्केपछि खोजी गरिएको थियो।
आज शनिबार बिहान खोजी गर्दा उनी मृत अवस्थामा भेटिएको प्रहरी निरीक्षक लोकराज जोशीले बताए। दशरथचन्द नगरपालिका वडा नं ४ को भिटेजर्गस्थित सलहाल्ने स्थानबाट उनी लडेर ५ सय मिटर तल खसेकी थिइन् । मृतकको शव पोष्टमार्टम पछि आफन्तको जिम्मा लगाइसकिएको बताए। घटनाका बारेमा थप अनुसन्धान भैरहेको जिल्ला प्रहरी कार्यालय बैतडीले जनाएको छ।
