बैतडी। बैतडीमा एक घरमा आगलागी भएको छ । बैतडीको मेलौलीमा राति एक घरमा आगलागी हुँदा झण्डै एक लाखको क्षति भएको प्रहरीले बताएको छ । मेलौली नगरपालिका वडा नं ८ कोटीगाउँ हल्दोडाका कृष्णसिंह बिष्टको घरमा बिहीबार राति आगलागी भएको हो ।
रातिको समयमा चुल्होबाट सल्केको आगोले घरभित्र रहेका लत्ताकपडा, अन्न लगायत जलेर नष्ट हुँदा ८७ हजार बराबरको क्षति भएको स्थानीय दिपेन्द्रसिंह सुतारले बताए । आगलागि भएको ३ घण्टापछि स्थानीयहरुको सहयोगमा आगो नियन्त्रणमा लिइएको मेलौली वडा नं ८ का वडा अध्यक्ष तपेन्द्रसिंह बिष्टले बताए। आगलागी हुँदा घरभित्र भएका लत्ताकपडा, एकथान सोलार, ५ हजार नगद, २ क्वीन्टल मकै, १ क्वीन्टल धान, ७५ किलो गहुँ लगायत घरभित्र भएका सबै सामग्री जलेर नष्ट भएका छन् ।
