धनगढी। धनगढीमा एक होटलको छतबाट खसेर एक युवक घाइते भएका छन्। सुदूरपश्चिम प्रदेशको अस्थायी राजधानी धनगढीमा होटलको छतबाट खसेर एक जना घाइते भएको कैलाली प्रहरीले जनाएको छ।
धनगढी उपमहानगरपालिका–३ चटकपुरस्थित कमल रोशन होटल एण्ड लजको छतबाट खसेर अछामको मंगलसेनका २६ वर्षीय कपिल सोडारी घाइते भएका कैलालीका प्रमुख प्रहरी उपरीक्षक(एसपी) देबेन्द्रबहादुर पालले बताए। राती करीब साढे १२ बजेतिर सोडारी छतबाट खसेर घाइते भएको उनले भने। उनकाअनुसार सोडारीका दुवै खुट्टामा चोट लागेको छ। उनको माया मेट्रो अस्पतालमा उपचार भइरहेको एसपी पालले बताएका छन्।
