बैतडी। बैतडीमा आज बिहान जिप दुर्घटनामा परेको छ। बैतडीको दशरथचन्द नगरपालिका वडा नं ५ को कार्यालय पल्लाचौंडाली नजिकै जिप दुर्घटना भएको प्रहरीले जनाएको छ। से १ ज ३३१ नम्बरको जिप सोमबार बिहान ११ बजेतिर कच्ची सडकमा दुर्घटनामा भएको जिल्ला प्रहरी कार्यालय बैतडीले जनाएको छ।
बैतडी दशरथचन्द नगरपालिकाका सूचना अधिकारी राजबहादुर बिष्टका अनुसार गोठलापानीबाट पल्लाचौंडालीमा यात्रु पुर्याएर पुनः गोठलापानी फर्कदै गरेको जिप दुर्घटनामा परेको हो। जिप सडकबाट २० मिटर तल खसेको भएपनि मानवीय क्षति नभएको प्रहरीले जनाएको छ। जिपमा चालकमात्रै रहेका बताइएको छ । चालकलाई पनि चोटपटक नलागेको सूचना अधिकारी बिष्टले बताए। घटनाका बारेमा थप अनुसन्धान भैरहेको प्रहरीले बताएको छ ।
