काठमाडौँ। युक्रेनको राजधानी किभस्थित हेलिकप्टर दुर्घटनामा यहाँका आन्तरिक मामिला मन्त्रीसहित १८ जनाको मृत्यु भएको छ। बुधबार किभस्थित एक स्कुलमा क्षति पुग्ने गरी हेलिकप्टर दुर्घटना भएको हो। जहाँ तीन बालबालिकाको पनि मृत्यु भएको बीबीसीको समाचारमा उल्लेख छ। साथै दुर्घटनामा १५ जना घाइते भएका छन् । उनीहरूको अहिले नजिकका अस्पतालमा उपचार भइरहेको बताइएको छ।
हेलिकप्टरमा मन्त्री डेनेस मोनास्टिर्स्कीसहित जम्मा ९ जना सवार थिए। आन्तरिक मामिलामन्त्री डेनेसका सहायकमन्त्रीको पनि मृत्यु भएको अधिकारीहरूले बताएका छन्। राष्ट्रिय प्रहरी प्रमुख इहोर किमेन्कोले युक्रेन सरकारको आपतकालीन सेवाको हेलिकप्टर दुर्घटनामा परेको भन्दै सामाजिक सञ्जालमा लेखेका छन्। स्कुलबाट नजिकै हेलिकप्टर दुर्घटना भएपछि स्कुलका बालबालिका र कर्मचारीहरू भागेर सुरक्षित स्थानतर्फ गएका थिए। दुर्घटनाले किन्डरगार्डेन सञ्चालन भएको भवनमा पनि ठूलो क्षति पुगेको छ। साथै आगोको मुस्लो लागिरहेको देखिएको छ ।(भिडियो सहित )स्रोतः अज्वल झा
https://www.facebook.com/watch/?ref=search&v=1078301043570626&external_log_id=5f6dd74d-2b05-4dd9-b5de-e4106c65a5bc&q=%E0%A4%AF%E0%A5%81%E0%A4%95%E0%A5%8D%E0%A4%B0%E0%A5%87%E0%A4%A8%E0%A4%AE%E0%A4%BE%20%E0%A4%B9%E0%A5%87%E0%A4%B2%E0%A4%BF%E0%A4%95%E0%A4%AA%E0%A5%8D%E0%A4%9F%E0%A4%B0%20%E0%A4%A6%E0%A5%81%E0%A4%B0%E0%A5%8D%E0%A4%98%E0%A4%9F%E0%A4%A8%E0%A4%BE
