बैतडी। बैतडीमा जिप दुर्घटना भएको छ। बैतडीको पुर्चौडी नगरपालिका न्वादेउबाट हाँट जाँदै गरेको सुप प्र ०४-००१ च ००६१नम्बरको जिप वडा नं ३ न्वादेउ बत्थीमा जिप दुर्घटना हुँदा एक जना घाइते भएका छन्। आज दिउँसो ३ बजे जिप करिब १०० मिटर तल खसेको हो। जिप दुर्घटनामा जिपका साहु हर्क बहादुर बोहरा घाइते भएका जिल्ला प्रहरी कार्यालय बैतडीले जनाएको छ।
जिल्ला प्रहरी कार्यालय बैतडीका प्रहरी निरीक्षक प्रहरी प्रवक्ता योगेश खत्रीले घाइते बोहराको टाउको र बाँया खुट्टाको कान्छी औँलामा चोट लागेको बताए। घाइतेको अवस्था मध्यम रहेको र हाँट स्वास्थ्यचौकीमा उपचार भइरहेको छ। प्रहरीका अनुसार जिपमा साहु र जिप चालक मात्रै सवार थिए । जिप चालक अशोक बमलाई प्रहरीले नियन्त्रणमा लिएर अनुसन्धान गरिरहेको छ । दुर्घटनाको कारण खुल्न सकेको छैन्। घटनाबारे थप अनुसन्धान भइरहेको जिल्ला प्रहरी कार्यालय बैतडीले जनाएको छ ।
