धनगढी। धनगढी वडा नम्बर १४ फूलवारीबाट ट्याक्टरसहित ६ गोलिया काठ बरामद गरिएको छ। धनगढी उप–महानगरपालिका वडा नम्बर १४ फूलवारीबाट ट्याक्टर र ६ गोलिया सालको काठ सब–डिभिजन वन कार्यालय, फूलवारीले बरामद गरेको जनाएको छ।
वन कार्यालय फूलवारीका प्रमुख लोकराज दाहालले विषेश सूचनाका आधारमा बुधवार राति ट्याक्टरसहित ६ गोलिया सालको काठ बरामद गरिएको बताए । वनको गस्तीमा रहेको समूहले विषेश सूचनाका आधारमा सब डिभिजन वन कार्यालयका कर्मचारी र भरताल साफेदारी वनको संयुक्त समूहले बुधवार राति बरामद गरिएको दाहालले बताए।
बुधवार राति फूलवारी बक्टैया ताल क्षेत्रबाट से १ त २३० नम्बरकको ट्याक्टरसहितको काठ बरामद गरेको हो । उक्त वन क्षेत्रमा काठ तस्करी बढेपछि संयुक्त गस्ती हुँदै आएको उनले बताएका छन् । गस्ती टोलिले ट्याक्टरसहितको काठ बरामद गरेपनि तस्कर फरार भएका छन। भने बरामद गरिएको ट्याक्टरसहितको उक्त काठ सब डिभिजन वन कार्यलय फूलवारीमा राखिएको र थप अनुसन्धान भैरहेको वनका कर्मचारीले बताएका छन् ।
