बाजुरा। बाजुराको एक घरमा आगलागी भएको छ। बाजुराको खप्तड छेडेदह गाउँपालिका वडा नम्बर ४ खाती गाउँ निवासी आइते धामिको घरमा मंगलबार आगलागी भएको छ। घर नजिकै राखीएको आफरबाट आगो झिल्को हावाले लिएर घरमा आगलगी भएको जिल्ला प्रहरी कार्यालय बाजुराले जनाएको छ।
खरले छाएको घरमा आगलागी हुँदा घर पुर्ण रुपमा जलेको र घरमा रहेका १२ वटा खराया समेत जलेर मरेको जिल्ला प्रहरी कार्यालय बाजुराले जनाएको छ। घरमा आगोलागेपछी घर भित्र रहेको १७ हजार नगद अन्नपात, ५० हजार बराबरको दारकाठ र लत्ताकपडा लगायत अन्य गरेर जम्मा १ लाख ७७ हजार बराबर धनजनको क्षति भएको वडा अध्यक्ष दल बहादुर धामीले बताएका छन्।
