धनगढी। धनगढीबाट लागुऔषध ब्राउनसुगरसहित एक जना पक्राउ परेका छन् । कैलालीको गोदावरी नगरपालीकाका एक युवक लागुऔषध सहित धनगढीबाट पक्राउ परेको कैलाली प्रहरीले बताएको छ । पक्राउ पर्नेमा गोदावरी नगरपालिका ५ बस्ने २७ वर्षीय अमृत राना रहेका छन्।
उनलाई शनिबार बिहान धनगढी उप–महानगरपालिका १० चकमेलीबाट ३ ग्राम ६०० मिलिग्राम लागुऔषध सहित पक्राउ गरिएको जिल्ला प्रहरी कार्यालय कैलालीले जनाएको छ । यस सम्बन्धमा थप अनुसन्धान भइरहेको प्रहरीले जनाएको छ ।
