कैलाली। कैलालीमा टिप्परको ठक्करबाट एक बालकको मृत्यु भएको छ। कैलालीको गोदावरी नगरपालिका ७ हरैयामा टिप्परले अटोलाई ठक्कर दिदा घाइते भएका ३ बर्षिय बालक भरत ठकुल्लाको सेती प्रादेशिक अस्पतालमा उपचारको क्रमका मृत्यु भएको प्रहरीले जनाएको छ।
पूर्व–पश्चिम राजमार्ग अन्तरगत हरैया चोक क्षेत्रमा स्थानीय र आफन्तले सडक अवरोध गरेका हुन्। बन्दकर्ताहरु सिसाको बोतलसहित सडकमा आएर बिरोध प्रर्दशन गरिहेका छन्। सडक अवरोध खुलाउन स्थानीय र प्रहरीबिच तनाव सिर्जना भएको छ। अहिलेपनी पूर्व–पश्चिम राजमार्ग रहेको प्रहरीले जनाएको छ।आज बुधबार बिहान कैलालीको गोदावरी ७ हरैयामा पुर्वबाट पश्चित तर्फ आइरहेको सु.प.प्र ०१००१ क २०२० नम्बरको टिप्परले सु प प्र ०१००१ ह ४९१८ नम्बरको अटोलाई टिप्परले ठक्कर दिएको हो। 
यस्तै सोहि अटोमा सवार गोदावरी नगरपालिका(७ हरैया बस्ने बर्ष २९ कि पेन्टि ठकुल्ला घाईते भएकी छिन्। घाइते महिलाको अत्तरियास्थीत पदमा अस्पतालमा उपचार भईरहेको छ। दुर्घटना लगतै फरार भएको टिप्पर इलाका प्रहरी कार्यालय मालाखेतीले नियन्त्रणमा लिएको छ। हरैया चोकमा अहिले स्थानीयले सडक अवरोध गरेको जिल्ला प्रहरी कार्यालय कैलालीले जनाएको छ।
यस्तै कैलालीको गोदावरी नगरपालिकाको स्याउले अन्तरगत पूर्व–पश्चिम राजमार्गमा पनी बन्द गरिएको छ। स्याउलेमा ट्याक्टर व्यवसायीहरुले सडक अवरुद्ध पारेका हुन्।
