कैलाली। कैलालीमा टिप्परको ठक्करबाट एक बालकको मृत्यु भएको छ। कैलालीको गोदावरी नगरपालिका-७ हरैयामा टिप्परले अटोलाई ठक्कर दिदा घाइते भएका बालकको मृत्यु भएको हो। टिप्परको ठक्करबाट घाइते भएका अटोमा सवार ३ बर्षिय बालक भरत ठकुल्लाको सेती प्रादेशिक अस्पतालमा उपचारको क्रमका मृत्यु भएको प्रहरीले जनाएको छ।
बुधबार बिहान पुर्वबाट पश्चित तर्फ आइरहेको सु प प्र ०१००१ क २०२० नम्बरको टिप्परले सु प प्र ०१००१ ह ४९१८ नम्बरको अटोलाई टिप्परले ठक्कर दिएको हो। यस्तै सोहि अटोमा सवार गोदावरी नगरपालिका-७ हरैया बस्ने बर्ष २९ कि पेन्टि ठकुल्ला घाईते भएकी छिन्। घाइते महिलाको अत्तरियास्थीत पदमा अस्पतालमा उपचार भईरहेको छ। दुर्घटना लगतै फरार भएको टिप्पर इलाका प्रहरी कार्यालय मालाखेतीले नियन्त्रणमा लिएको छ। हरैया चोकमा अहिले स्थानीयले सडक अवरोध गरेको जिल्ला प्रहरी कार्यालय कैलालीले जनाएको छ।
