धनगढी। धनगढीमा स्कारपियोले ठक्कर दिएर एक किशोर घाइते भएका छन्। शुक्रबार बिहान धनगढी उपमहानगरपालिका ५ स्थित ऐश्वर्य चोक नजिकै स्कारपियोले ती किहोरलाई ठक्कर दिएको थियो। ठक्करपछि घाइते हुनेमा पञ्चोदय माध्यमिक विद्यालयमा अध्ययनरत १४ वर्षीय अनिश बिक रहेका छन्।
उनलाई ठक्कर दिने गाडी अहिले फरार रहेको र खोजी जारी रहेको प्रहरीले जनाएको छ। विद्यालयतर्फ गइरहेका उनलाई एक्कासी स्कारपियोले ठक्कर दिएर फरार भएको त्यहाँका स्थानीयले बताएका छन्। घाइतेको निसर्ग अस्पतालमा उपचार भइरहेको छ । हिजोमात्रै सोही ठाउँ नजिकै कालिका कन्स्ट्रक्सनको ना १ क ९७५ नम्बरको ग्रेडरले ठक्कर दिंदा साइकलमा विद्यालय गइरहेकी १५ वर्षीया चेतना साउदको घटनास्थलमै मृत्यु भएको थियो।
